Tölvutónlist með einum takka sem maður bara ýtir á (Musik Kontrapunkt Kontrol)

Tölvutónlist með einum takka sem maður bara ýtir á

Þetta er algjör klisja, en flestir italo pródúserarnir voru fiktandi í endalausum öðrum prójectum undir endalausum öðrum nöfnum, enda margir þá búnir að vera í allskonar stúdíó- og sessionvinnu, fikta í paunkböndum og eignast börn og kaupa hús og safna skeggi og þannig veseni, og það er bæði ástæðan fyrir magninu sem kemur frá þeim sumum (og hvers konar mega-maskínur þeir eru), og því að lögin eru f*kkíng góð...alvöru músík, skiluru.

Ég er ekkert að velja einhverja ofvirka gaura, heldur eru kláru gaurarnir bara útum allt, með puttana í öllu! Enníveis:

Cyber People plötukover í marglitum fíling

Cyber People er sólópróject Alessandro Zanni, eða réttara sagt snilldarsólópróject þar sem að allt sem hann gaf út undir þessu nafni er svo ótrúlega "rétt", sándar svo vel og er svo áferðarfallegt og ofurnæs. Hann var auðvitað með gylltu puttalingana sína í allskonar fikteríi og pródúsaði heeeelling af snilld, einsog t.d. Koto, Ken Lazlo, Baby's Gang, og Hipnosis...eiginlega hefur hann komið nálægt ótrúlega miklu af snilldarlögum, og sumum frægustu italo disco böndunum evör.

Snillingur.

Á "Uppáhalds italo lögin mín evör" eru held ég öll Cyber People lögin. *sniff*
Þetta lag er af fyrstu útgáfu bandsins frá 1984.

Cyber People - Polaris
Listen / Buy: GEMM / eBay / Amazon.com

Laser Dance og vinur í frí-fíling

Laser Dance voru Erik Van Vliet og Michiel Van Der Kuy, sem báðir voru í allskonar öðrum prójectum. Laser Dance var mín uppáhalds samstarfsgrúppa þeirra hollensku stuðbræðra, og lagið að neðan eitt uppáhalds lagið mitt frá þeirri grúppu. Þeir gáfu líka út sem Primero ('Oh Que Calor') og Sisley Ferré, og það dót var frekar fínt líka.

Hr. Erik Van Vliet var alveg ágætis gaur, en Michiel Van Der Kuy varð aðeins frægari, því eftir eitthvað laga-(einsog í lögfræðingur og þannig vesen)-vesen, þar sem dúóið Koto missti útgáfuréttinn og nafnið til plötuútgáfunnar sinnar, tók hann við verkefninu og gaf út allskonar (hálfgert) drasl, áður en annar úr dúóinu sem startaði Koto eignaðist nafnið aftur. Fyrstu lögin með upprunalega Koto voru og eru algjör snilld, og mér finnst ekkert alltof kúl eða fínt að Hr. Van Der Kuy hafi gert samning við plötukölska og allt það. En Gvuð blessi hann fyrir hárið hans (það er soldið stórt), og fyrir alla hina fínu músíkina sem flæddi útúr líkamanum hans.

Laser Dance - Shotgun (Into The Night)
Listen / Buy: GEMM / eBay / Amazon.com

Droid og bláir stafir í fíling

Mito voru frægastir fyrir koverlagið sem ég pósta hér. Originallinn er ótrúlega fínn og yndislegur, en þetta er meira memory synthesizer computerized (sem er þema dagsins). Stefano Secchi, sá frægari í bandinu gaf líka út dót sem bara Secchi, þ.á.m. 'I Say Yeah' snilldarlagið með Orlando Johnson (sem er ótrúlega fínt stuð, og er pínu einsog 'I'll Be Your Friend' með Robert Owens, nema kom út árinu áður og er miklu meira stuð, og minna introverted "horfið á mig").

Þetta lag kom út 1982 og er kover af samnefndu lagi Automat frá 1978. (Þeir gáfu út geðveika plötu! Kauftana!)