Little Brother er mjög skemmtileg hip hop grúppa sem gaf út mjög góða plötu 2005 sem hét 'The Minstrel Show'. Ég sá þá læv þegar þeir, ásamt Big Daddy Kane, hituðu upp fyrir MF Doom, og þeim, (aftur) ásamt Big Daddy Kane, tókst algjörlega að stela sjóvinu.

Á mæspeisprófílnum þeirra rakst ég á kover sem Phonte, einn þriðji Little Brother, gerði af 'Take On Me' eftir uppáhalds A-Ha. Ég spenntist upp og bjóst við einhverju hræðilegu, en finnst þetta frekar fyndið og nokkuð fínt. Kannski finnst mér það fínt einmitt útaf því hversu hrrrræðilegt ég hélt að þetta yrði + að ég bjóst við því að næsta 'Take On Me' kover sem ég heyrði væri eitthvað háskólarokk, en þetta finnst mér bera ákveðna (samt skemmtilega undarlega) virðingu fyrir original laginu, þeir vanda sig að syngja og svoleiðis, setja smá sál í útgáfuna sína. Eru bara að pay some respect, og mér finnst það kjút.

Phonte (Little Brother) - Take on Me
Listen / Buy: GEMM / eBay / Amazon.com

♥ Little Brother á internetinu
♥ Little Brother á mæspeis

Nú er loksins orðið hlýtt nokkra daga í röð. Borgir fyllast af strigaskóabraki og hundraðkallaskrjáfi, pulsugrilllykt með smá kótilettuilmi leggst yfir kósí íbúðahverfi, nágrannar sveðja sér leið í gegnum limgerði til að fá bita, og allir eru í fíling.

En hver er í mesta fílingnum? Julius Brown, that's who. Á samskonar degi fyrir 24 árum síðan (1983) reis hann úr rekkju og sagði "Í dag ætla ég að búa til sumarbyrjunarþema".

Og honum tókst það, sniff.

Julius Brown - Party
Listen / Buy: GEMM / eBay / Amazon.com

Einusinni var Cuba Gooding bara Cuba Gooding. Svo fann hann ástina (eða ástin fann hann) og hann eignaðist barn sem fékk nafnið Jr. Eftir það var okkar Cuba Gooding þekktur sem Cuba Gooding Sr., en Jr.inn varð leikari sem við öll elskum að hata að elska og hata.

Sá hinn eldri söng einusinni aðal fyrir Motown-bandið Main Ingredient, og þeir voru pínu vinsælir. Þeir spiluðu, sungu og gáfu út lag sem varð smá-en ekkert voðalega-vinsælt, en varð aðeins vinsælla þegar Cuba Gooding (án Sr.sins) gaf það út með sjálfum sér í aðeins meiri diskódanssmoove-versjón.

Cuba Gooding - Happiness Is Just Around The Bend
Listen / Buy: GEMM / eBay / Amazon.com

Einusinni var George Evelyn bara George Evelyn. Svo hitti hann mann (engin ást), og varð að Dj Ease og helmingnum af Nightmares on Wax. Þeir fíluðu breik, bleeps, LFO, Unique 3 og fleiri, og fóru að gera músík. Árið 1990 gáfu þeir út tólftommur og ári seinna breiðskífuna 'Word of Science'. Sú plata er allt öðruvísi en tsjillofurátið sem fylgdi '95 og '00. Þó það sé ágætlega gott--og þá sérstaklega allar útgáfurnar af Nights Interlude (og lög með og rímix fyrir De La Soul)--þá þurfti ég smá tíma tilað venjast því, á meðan að ég fékk lagið að neðan strax á heilann. Það lag er byggt á sama lagi og Cuba Gooding Sr. gerði pínu vinsælt, og það gerði Nightmares on Wax vinsæla.

Nightmares on Wax - Aftermath
Listen / Buy: GEMM / eBay / Amazon.com

Ég myndi hlusta fyrst á Cuba Gooding og svo á Nightmares on Wax. Og ef þú ert í fíling geturu líka fundið útgáfuna með Main Ingredient, og hálfgerða rímixið með Altern8, sem var t.d á safnplötunni 'Only For The Headstrong vol. 1'. (af einhverjum ástæðum minnir sú útgáfa mig alltaf, og ég meina alltaf, á minipizzurnar sem var hægt að kaupa í matsalnum niðri í Akraborginni...og hvernig getur það lag þá ekki verið pínu uppáhalds líka?!)

(verð víst að taka það fram að þetta er ljósmynd eftir Frida Klingberg, með fótósjoppi eftir mig)

Sally Shapiro er artistanafn feiminnar og stundum-krúttlegrar sænskrar disco/italo disco söngkonu sem varð leyndó-senseisjón einhverntímann í fyrra. Músíkin hennar og pródúsersins er skemmtilega humble, ef það meikar eitthvað sense, og algjörlega laus við Brooklyn-bóner og glerlausar gleraugnaumgjörðir og meik útum allt og neonrusl. Snýst bara um músíkina, finnst mér, og það er það sem mér finnst svo fínt.

Af plötunni "Disco Romance" frá 2006:

Sally Shapiro - I Know
Listen / Buy: GEMM / eBay / Amazon.com

♥ Sally Shapiro á internetinu
♥ Sally Shapiro á myspace

Cristina (Cristina Monet-Palaci) er merkileg diskóhetja og megakrútt, en samt aðeins meira outgoing krútt en sú að ofan. Hún er með pínu skrýtna rödd, og það er einsog hún hafi alltaf verið að gera smá klever grín að diskói og poppi. Cristina gaf út fyrstu plötuna 1978, og eftir að aðallagið 'Disco Clone' varð smá hittari komu út nokkur lög og svo plata pródúseruð af August Darnell, miklu betur þekktum sem Kid Creole, sem varð í kjölfarið hús-pródúser leibelsins. Einhverntímann seinna varð hún ein af fjölmörgum og margútskiptum kókoshnetunum í Kid Creole & The Coconuts. Hún tilheyrði No Wave tónlistarstefnunni, sem er frekar loðið hugtak að mínu mati, en það passar kannski við hana, þar sem að hún er smá diskó, smá paunk, smá popp, smá sjóvbiz. Og auðvitað er hún frábær.

Fyrst er fyrsta lagið hennar. Smá Dallas-fílingur, ískrandi fiðlur og mikið fjölskyldudrama. Sagan segir að karlmaðurinn sem talar svo lokkandi í laginu sé enginn annar en Kevin Kline...maður finnur hnéskeljarnar linast upp...

Cristina - Disco Clone
Listen / Buy: GEMM / eBay / Amazon.com

Seinna lagið er pródúsað af Kid Creole, og fittar alveg inní músíkina sem kom seinna meir frá honum og hans hyski. Textinn er frábær.

Cristina - Don't Be Greedy
Listen / Buy: GEMM / eBay / Amazon.com

Skrýtin snilld.

Á Amazon.com er hægt að kaupa best of plötuna Doll In The Box, sem kom út 2004 og inniheldur bæði lögin að ofan, auk koverlagsins 'Drive My Car'.

Ó mæ.

So quietly I yell
It's my time now...

The Units. Ólýsanlega gott sjö-manna synthapaunk frá San Francisco. Bandið var stofnað sem artý-band 1978, og á þeim sex árum sem bandið lifði gekk allskonar á: þeir breyttust úr sjö-manna súpersveit í tveggja-manna band, hættu saman, byrjuðu saman, misstu trommarann í sama túr og tveir aðrir meðlimir bættust við, túruðu með OMD, hituðu upp fyrir Ultravox, Gary Numan og Soft Cell, og gáfu (auðvitað) út fullt af frábæru stöffi, en urðu aldrei frægir. Hættu svo 1984 eftir að plötuleibelið drap plötuna þeirra.

Lagið að neðan er af 7 tommunni "Warm Moving Bodies" frá 1979.

The Units - i-Night.
Listen / Buy: GEMM / eBay / Amazon.com

Ég þori að veðja að þetta er bæði betra, og allt-allt öðruvísi en þú bjóst við.

Hér er svo allt sem þú þarft að vita um The Units: synthpunk.org/units/

Þegar ég var í 9. eða 10. bekk þá varð Acid Jazz það heitasta af öllu brennsjóðheitu. Meiraðsegja stelpur, sem framað þessu fíluðu bara afmælisgjafasafndiska með diskói eða úr Now! seríunni (og auðvitað 'Girls & Boys' með Blur) fíluðu Acid Jazz, og margar sögðust meiraðsegja vera farnar að fíla djass. Gisp!

Allir pre-hipsterar og pre-listaháskólanemar brunuðu beint í Skífuna (foj!) að kaupa safndiskinn "Acid Jazz vol. 1" en í æsingnum keyptu einhverjir vol. 2 eða 3 sem voru öðruvísi skræpóttir, og voru --ó boj-- ekki með laginu sem varð flaggberi Acid Jazz hreyfingarinnar á Íslandi, laginu sem var svo gott að enginn mundi hvað það hét.

"Salvör hin síkadelízka,
með þitt málaða fés,
Salvör hin síkadelízka,
bjarg þú mér."

Lagið var of kors 'Psychedelic Sally' í flutningi Eddie Jefferson, og það er eina lagið sem ég man eftir af þessum diskum, og fyrsta lagið sem ég hugsa um þegar einhver miðaldra hiffsterinn veifar taglinu og segir "asiddjass". Mér fannst þessar 2 mínútur og 48 sekúndur fullkomnar, og finnst lagið auðvitað ennþá stuð. Minnir mig á strætóferðir uppí Breiðholt, og Davíð litla að spila lagið í græjunum hennar Berthu. Hah.

Eddie Jefferson - Psychedelic Sally
Listen / Buy: GEMM / eBay / Amazon.com

Útgáfan að ofan er auðvitað megahress, og ekkert skrýtið að ráðvilltir íslenzkir úllingar (einsog undirritaður) hafi tekið þessu 20+ ára lagi fagnandi (burt Herramenn og NýDönsk!). Hr. Jefferson leyfir laginu sjálfu, með sitt næstumþví off-key bít, að draga sig áfram, og "vóóóóóóóóúúúúh"-ið hans víbrar svo frábærlega.

Auðvitað hafa margir snillingar koverað þetta lag, og sumum tókst með mikilli nákvæmni og þrautsegju að draga gjörsamlega allt stuð úr laginu, þannig að eftir er einhver sorgleg brunarúst, og ekki viljum við hlusta á það. Svei!

Hér er ein önnur skemmtileg útgáfa sem er ólík þannig að söngvarinn keyrir lagið áfram með sálinni, og "vóh vóh vóh vóh" í staðinn fyrir eitt langt. Svo kemur mjög flott wingalingalinga eftir 28 sekúndur, dáldið dreamy, en ótrúlega fínt.

Útgáfan að ofan er fyrir ævintýramenn; útgáfan hér að neðan er fyrir fjölskyldumenn.

Billy Paul - Psychedelic Sally
Listen / Buy: GEMM / eBay / Amazon.com

p.s. keyptu diskinn!

Í tilefni hækkandi sólar og lækkandi froststs er tilvalið að hlýða á tvo brakandi mjúka smelli fortíðarinnar. Báðir koma þeir frá 1983, árinu þegar Björn Borg setti skóna á hilluna, fæðingarári Eivarar Pálsdóttur, sama ári og Ghandi vann 8 óskara, og á svipuðum tíma og Guam kaus að gera Apatosaurus að opinberri risaeðlu sinni.

SSQ gáfu út mörg skemmtileg lög með söngkonuna Stacey dillandi sér í fararbroddi. Vegna vaxandi frægðar söngkonunnar hét bandið SSQ það ekki lengi, heldur breytti nafninu í, mikið rétt, Stacey Q. Þetta lag kom út á plötunni 'Play Back', nokkrum árum fyrir nafnabreytinguna.

SSQ - Walkman On
Listen / Buy: GEMM / eBay / Amazon.com

Cheaps er grúppa troðfull af snillingum sem koma m.a. úr frábærum böndum einsog Cyber People og Hipnosis, og er koverlagið 'Moliendo Café' því miður eina útgáfa bandsins.

Cheaps - Moliendo Cafe
Listen / Buy: GEMM / eBay / Amazon.com

Lagið sjálft er mjög frægt og hefur verið flutt af fjölmörgum tónlistamönnum og söngvurum. Skemmtileg finnst mér útgáfa hins síunga Julio Iglesias og Jeane Manson (YouTube).

Plastic Bertrand er snillingur. Hann er örugglega frægastur fyrir semi-paunklagið 'Ça Plane Pour Moi' frá árinu 1977, sem hefur m.a.s. verið koverað af 90s ofurstirninu Leila K. Árið 1987 fór hann á Eurovision fyrir hönd Lúxemborgar og performaði þar snilldarlagið 'Amour Amour'. Lagið endaði í næstsíðasta sæti, og Tyrkland í því neðsta (tvöfaldur dómaraskandall!) og á meðan að það hafi máski ekki verið besta niðurstaðan þá varð það ekki alslæmt, og bústaði frægðina pínulítið, þá sérstaklega vegna dansmúvanna, bleika jakkans og hársins, sem dinglaði útum allt.

Einhverjir héldu því fram að Plastic Bertrand hefði ekki sungið neitt af lögunum sem gerðu hann frægan, þ.e. á tímabilinu ca 1976-1980, heldur hefði það allt verið pródúserinn hans. Það endaði með því að árið 2006 fór pródúserinn fyrir rétt til að sanna einmitt það, en tapaði málinu og endaði í gapastokki, enda ekki með neinar sannanir á meðan Plastic Bertrand (hetjan okkar) var með plötusamning, credit á útgáfunum, og múv to die for.

Hann gerði allskonar hluti á ferlinum: rústaði hótelherbergi í New York með öxi, var í söngleik sem var byggður á Abba lögum, varð spikfeitur, og síðarmeir international keppandi í Scrabble.

Lagið að neðan kom út 1978, og varð mini-hittari fyrir Plastic Bertrand. Flottur electrodiskóvellingur með miklu frönskum.

Plastic Bertrand - Tout Petit la Planète
Listen / Buy: GEMM / eBay / Amazon.com

♥ PlasticBertrand.com
♥ 'Amour Amour' vídjóið á YouTube

hjálp

***uppfært með draum-upplýsingum***

Árin 1989 til 1992, þegar ég var í 7. til 10. bekk í Foldaskóla, var útvarpsþáttur á Stjörnunni sem spilaði glænýja danstónlist, og mig minnir að hafi heitið XL.

Mig minnir líka að umsjónarmaður þáttarins hafi verið Pétur Árnason --sá hinn sami og gerði tónlist undir nafninu Soul Control, og átti tvö lög á IceRave-- en það er alveg líklegt að ég sé að ringla allskonar upplýsingum saman.

Hét hann ekki Ómar Friðleifsson?

Svo er ég (næstum) handviss að hann hafi verið með kvikmyndaþátt í útvarpinu, jafnvel Bylgjunni, sem hét Hvíta tjaldið.

Ég líka mjög viss um hann hafi svo farið að vinna fyrir SAMbíóin, og verið sá sem talaði oft inná auglýsingar.

Ég veit að það er gríðarlega ólíklegt að margir muni eftir þessum þætti. Njörður vinur minn man eftir honum, en ég veit ekki um neinn annan sem man.

Ástæðan fyrir því að ég spyr, er að ég hef aldrei hætt að hugsa um þennan þátt. Í honum heyrði ég allskonar lög sem ég hlusta ennþá á, og eru algjör klassík fyrir mig. Ég man eftir að vera inná skrifstofu í Fjörgyn (félagsmiðstöðinni), standandi uppá stól við útvarpstækið, sveittur að taka upp þáttinn. Gat nefnilega ekki misst af opnu húsi, þar sem ég spilaði billjard, bruddi piparbrjóstsykra, og tók heimatilbúna snúninga í borðtennis, og sameinaði því uppáhöldin mín.

Ég á nokkrar þvældar og margspilaðar kassettur í kassa í geymslunni hjá mömmu, en þegar ég fór í gegnum þær síðast --sem er fyrir mjöööög mörgum árum-- fann ég ekkert sem hjálpaði.

Aftur:
- útvarpsþáttur á Stjörnunni, 1990-1992
- hét XL (eða eitthvað í líkingu við það)
- spilaði glænýja dansmúsík
- umsjónarmaðurinn hét Pétur Árnason
- Ómar Friðleifsson
- var seinna með Hvíta Tjaldið, útvarpsþátt um kvikmyndir
- talaði inná auglýsingar fyrir SAMbíóin

Eitthvað þarna er rétt, eitthvað er vitlaust, en það hlýtur einhver að muna eftir þessum þætti.

Hér er eitt af lögunum sem ég man eftir að hafa heyrt í þættinum, og er búið að glymja í hausnum mínum svooo leeeengiiiiii. Ég heyrði það útum bílglugga fyrir einhverjum árum og fékk *svitn*, og heyrði það svo í skóbúð hér í NY og stífnaði upp, en mundi aldrei hvað gellan hét. Svo dreymdi mig fyrir einhverjum mánuðum (ég sver það!) og fann það svo og KEYPTI á emusic.com. Gvuð blessi drauma og internetið.

Corina - Temptation (1991)
Listen / Buy: GEMM / eBay / Amazon.com

Ef þú ert gamall og gráhærður einsog ég, og manst eftir að hafa heyrt þetta lag þegar í útvarpinu þegar þú varst meiri úllíngur, þá manstu örugglega eftir þættinum. (finnst líka stórkostlegt að lagið er allsstaðar flokkað undir freestyle)

Minningahornið #2: Sveinbjörn Púnktur Hermann Com Pálsson
Stundum tölum við Svenni um stelpur, stundum um hönnun, stundum um tónlist, stundum um tónlistarstelpur, stundum um stelpuhönnun, og ýkt oft tölum við um okkur sjálfa, og gífurlegu snilldina sem við höfum framkvæmt saman (þ.á.m. hannað bæði fyrstu rapplötu Íslands OG fyrstu rappsafnplötu Íslands. Óendurtakanlegt, og ómælanlegt.)

Fyrst þegar ég kynntist honum hélt ég að hann væri undrabarn, einhver risi sem var 17 ára, en svo var það bara allt misskilningur. Þ.e. aldurinn, en Svenni er mjög klár, og besti tónlistarbransahönnuður Íslands.

Síðast þegar við hittumst fórum við í trúnógöngutúr niðrá höfn, þar sem að við hugsuðum báðir í leyni að hinn okkar væri með eitthvað plott, og að bakvið "yfirgefna" skúrinn sem við nálguðumst biðu nokkrir aðfluttir Íslendingar tilbúnir í einhverskonar skuggaverk.

En það var fullkomlega öruggt, og hvorugur okkar vildi nokkurntímann pína hinn.

Sveinbjörn, ég elska þig.

Stevie V - Dirty Cash (Dime And Dollar Mix)
Listen / Buy: GEMM / eBay / Amazon.com

...or else it gets the hose again.

Bjölli skrifaði fínt á Breiðholtið um 'Goodbye Horses' sem var í myndinni Silence of the Lambs.

Annað lag sem var ekki í myndinni en er frekar nokkurskonar tribute, er með annars óþekkta bandinu Greenskeepers, og heitir offjissallí 'Lotion', þó þú og ég og allir sáum vídjóið á internetinu fyrir nokkrum árum, og þá undir nafninu 'It Rubs The Lotion On Its Skin'. (sem er hluti úr setningu sem hinn lekkertlega varalitaði og annarramannahúðklæddi snarbrjálæðingur Buffalo Bill sagði svo fallega. Seinni hluti setningarinnar er 'or else it gets the hose again'. Smekkmaður, svo sannarlega.)

Ég vissi ekki rassagat um bandið (og mun ekki muna það), en internetið segir að þeir séu frá Chicago, að lagið hafi verið notað í einum Grey's Anatomy þætti, og að John Peel hafi fílað eitthvað annað lag með þeim. Þokkalegur árangur.

Persónulega finnst mér lagið miklu betra með vídjóinu, sem er mjög fínt:

Hér er svo lagið:

Greenskeepers - Lotion
Listen / Buy: GEMM / eBay / Amazon.com

Þeir gefa lagið á vefsíðunni sinni, en það er stundum e-ð bilað. Mér finnst þeir sniðugir að gefa það, enda er það bæði snilld og eiginlega ástæða þess að þeir eru "frægir".

♥ Greenskeepers á internetinu
♥ Greenskeepers á mæspeis

p.s. skiptið um nafn, sjíís!

Kaada er snillingur. Heyrði fyrst í honum árið 2001 þegar lærifaðir Íslands, Árni Matt, spilaði plötuna "Thank You For Giving Me Your Valuable Time" fyrir mig. Mér fannst Kaada ótrúlega fínn, en þar sem eintakið mitt var prómóeintak vissi ég aldrei hvernig hann leit út, hvaðan hann kom, hvað hann vildi, og gleymdi alltaf að hlusta á nýrra efni með honum. En ég spilaði diskinn minn aftur og aftur og aftur og finnst hann enn æði.

Síðan 2001 hefur margt gerst. Kaada hefur breyst úr ósýnilegum hvítum pappírskalli í mjósleginn og skemmtilega slízí Norðmann sem er einu ári eldri en ég (svei!), og hefur auk þess gefið út baðkarsfylli af allskonar lögum, þ.m.t. sum með snillingnum Mike Patton.

Ég er aðeins of þreyttur tilað nenna að pikka allar plöturnar hans inn (þó það sem ég er að pikka inn núna er örugglega lítið styttra), þannig að á bestu vefsíðu í heimi, Discogs.com, er allur listinn: Kaada og músíkin.

Aftur: ég mæli endalaust með því að þú hangir á Discogs.com, sem er user-run databeis yfir diskógrafíu allra helstu raflistamanna alheimssögunnar, sem og fjölmargra annarra. (old skool hardcore, techno, acid, house, disco, italo-disco, emo-trance, goacore, new wave, indie rock, synthpop, blablabla, það er þarna). Og ef það er ekki þarna og þú átt eintak, þá geturu búið til account og skráð eintakið þitt inn. IceRave er þarna. Og Ajax - 'Rufige' líka. Og nýja gamla platan mín með Hey! Elastica.

Enníveis, hér koma tvö lög með Kaada af plötunni "Thank You For Giving Me Your Valuable Time" frá alheimsatburðageimárinu 2001.

Kaada - Care
Listen / Buy: GEMM / eBay / Amazon.com

Kaada - Allwrong
Listen / Buy: GEMM / eBay / Amazon.com

♥ Kaada.no

p.s. tónlistin hans er blanda af...æji treystu mér, þetta er fínt!

Eitt af því sem ég elska við að fara á tónleika hér erað stundum eru upphitunarböndin--sem þú hefur aldrei heyrt um--svo yndislega frábær. Þannig kynntist ég einmitt Akron/Family, Grizzly Bear, Just About To Burn, Regina Spektor, Lance Romance, Lucky Dragons, og endalausum öðrum frábærum böndum (þar af sumum uppáhalds í dag).

(( Þetta verður hrósfærsla ))

Þegar ég sá hina yyyyyndislegu og gríðarlega sætu El Perro Del Mar um daginn, sem var jafn frábær og ég bjóst við, með lögin í mjöööög flottri akústík útgáfu, voru Marissa Nadler og Chris Garneau að hita upp. Ég átti diska með Marissa Nadler fyrir tónleikana og var mjög spenntur að sjá hana læv, og það var jafn frábært og ég vonaði. Hún er með ótrúlega sérstaka rödd og tónlistin hennar er einhvernveginn tímalaus, einhverskonar blanda af psýkadelíu og dreamy fólki, samt nær því að vera fólk...en það er tilgangslaust að skilgreina tónlistina því það er einmitt það sem skiptir langminnstu máli. Mestu máli skiptir að hlusta, er það ekki elskulegur lagsmaður? (psst. pósta lagi með henni seinna)

Ég vissi hinsvegar ekkert um gaurinn sem spilaði fyrst, Chris Garneu. En sjís, hann var æði! Hann sat við píanó, stelpa á fiðlu, strákur á selló, strákur á trommur, og einn á melódiku og eitthvað annað vesen. Textarnir voru flottir, spileríið mjög flott, en hann söng frábærlega og lögin hans mjög skemmtileg.

Eftir tónleikana keypti ég diskinn hans Music For Tourists (kom út í janúar 2007). Ég reyni alltaf að kaupa diska með þeim artistum sem mér finnast skemmtilegir á tónleikunum sjálfum, því þá veit ég að grænu dollararnir mínir fara dýpra í vasann þeirra, í stað einhverrar plötubúðar eða vefsíðu. Marissa Nadler var í fíling (örlítið tipsy) þar sem hún stóð bakvið diska- og bolasöluborðið og spjallaði við mig. Hún fiktaði í hárinu sínu, reyndi að bera nafnið mitt fram tólf sinnum með andlitið aðeins of nálægt mínu, tísti smá úr hlátri, og glotti gríðarlega þegar hún ákvað að gefa mér bara (óumbeðið) nýja diskinn sinn. Svo blikkaði hún mig, og ég roðnaði og hálfstrunsaði burt í svimakasti.

Chris Garneau - Black and Blue
Listen / Buy: from Chris Garneau / from Amazon.com

♥ ChrisGarneau.com
♥ Chris Garneau vefverslunin
♥ Chris Garneau á Myspace
hægt að hlusta á fjögur önnur lög, sem ætti að vera alveg nóg fyrir þig

♥ Marissa Nadler á Myspace
♥ MarissaNadler.com

Fín útgáfa af laginu:

Nina Simone - Mr. Bojangles
Listen / Buy: GEMM / eBay / Amazon.com

...og ein í viðbót:

Bob Dylan - Mr. Bojangles
Listen / Buy: GEMM / eBay / Amazon.com

Bob Dylan útgáfan var mjög lengi al-uppáhalds, en svo fannst mér Nina Simone best. Svo Harry Belafonte. Svo grét ég í baði, og hækkaði aftur í Bob Dylan.

Afþví að ég á svo fína vini þá ætla ég að byrja með Minningahornið, þar sem ég pósta lagi sem minnir mig á einhvern ákveðinn vin minn, og segi kannski eitthvað um afhverju þetta lag (eða þessi lög) minna mig á viðkomandi.

Þú getur litið á þetta sem einskonar Knúsihorn Haraldar fyrir harðbrjósta þrettánþumla karlmenn.

Minningahornið #1: Jón Mýrdal
Ég er ekki búinn að tala við Jón Mýrdal í mörg ár (eða mér finnst það). Síðasta skiptið sem við hittumst var ótrúlega skemmtilegt. Ég var á leiðinni uppí sumarbústað með Óla Té og Nirði, og við ákváðum að hitta Mýrdal (og frúrnar) á Dússabar í Borgarnesi, þar sem við þömbuðum gos og bjóra og átum minipizzur og hittum --algjörlega óvart-- nokkra Borgnezka bloggara, sem þömbuðu enn meiri bjór, og einn sem vildi endilega sýna Betu það-sem-maður-sýnir-bara-kærustunni. Það var ótrúlega og merkilega gaman...þangað til rúta stútfull af þunnum kaffibörðum Kaffibörurum renndi uppað hurðinni og staðurinn fylltist af Reykvízkri hip&kúlmennsku. Þá fórum við.

Og afþví að þetta var svo íslenskt og alþýðulegt, þá er þetta eina lagið sem mér dettur í hug. Og það minnir mig líka á ammælið þar sem Mýrdal, Hemmi og Oddur voru berir að ofan að dansa við Íslenskan Eðal. Ó, minningar.

Mýrdal, ég elska þig.

Hemmi Gunn - Fallerý
Listen

Lagið Mr. Bojangles hefur verið koverað af óteljandi listamönnum (við erum að tala um a.m.k. sjöhundruð milljón manns...nei ókei, þeir eru kannski ekki óteljandi, en þeir eru mjög margir).

Lagið var samið af kántrýkúasmalanum Jerry Jeff Walker, sem er hvað frægastur fyrir einmitt þetta lag, kannski bara frægur fyrir þetta lag, ég veit það ekki. Hann einbeitir sér a.m.k. meira að rekstur plötuútgáfu en lagasmíði (en var vinur Townes Van Zandt í gamla daga, sem er frekar vel af sér vikið).

Textinn fjallar um þegar Hr. Walker hitti Hr. Bojangles, undarlegan drykkfelldan steppdansara, í fangelsi, og fílósófízkar samræður þeirra um lystisemdir og húsasund lífsins og tilverunnar. Sagan segir að Bojangles þessi hafi verið einn besti dansari í heimi, fyrr og síðar, og að sjálfsögðu spratt hann á gvuðdómlega fætur sína og heillaði Walker svo mikið með eitruðum hreyfingunum að sá hinn sami sá til tilknúinn að semja lag um atburðinn, það gott lag að aðrir listamenn gátu ekki annað en gert sína útgáfu af laginu.

Eitthvað svoleiðis.

Hvað um það, ég ætla smátt og smátt að pósta þeim útgáfum af laginu hans sem mér finnst bestar.

Hér kemur fyrst lagið í live útgáfu með honum sjálfum, svo eitt kover.

Jerry Jeff Walker - Mr. Bojangles (live)
Listen / Buy: GEMM / eBay / Amazon.com

Kover:

Harry Belafonte - Mr. Bojangles
Listen / Buy: GEMM / eBay / Amazon.com

Eyru okkar gleðjast, og hjörtun okkar með, því Þórður Björn Sigurðsson, tónlistarfrömuður, eiginmaður, faðir, knattspyrnustirni, en umfram allt góður vinur, er nýr meðlimur/starfsmaður/rekstraraðili Kontrapunkts.

(sjá mynd og blaður til vinstri)

Hann skrifaði ferðasnilldina hér að neðan.

"Sjötíu sinnum í viku hefja þotur okkar sig til flugs í áætlunarferð samkvæmt sumaráætlun til 12 staða í Evrópu og Bandaríkjunum. Flugfélag Íslands / Loftleiðir - Félög með þjálfað starfslið í þjónustu við þig."

Þetta stendur skrifað aftan á sjötommuna sem Óðmaðurinn góðkunni, Jóhann G. Jóhannsson, var fenginn til að semja í auglýsingaskyni fyrir íslensku flugfélögin sem síðar urðu Flugleiðir og nú síðast Icelandair.

Ég vildi að ég ætti skanner til að geta birt myndina sem fylgir á eftir textanum: Svarthvít mynd af leðurhanskaklæddri vinstri hönd sem rígheldur í skjalatösku þar sem áfastir eru 3 miðar. Á einum stendur DESTINATION COPENHAGEN, á þeim næsta DESTINATION STOCKHOLM og sá síðasti er eins og yfirlit yfir samgöngunet flugfélaganna. Reykjavík í miðjunni (nafli alheimsins) og svo línur í áttinna að öðrum 12 stöðum í Evrópu og Bandaríkjunum. Athygli vekur að allt eru borgir eða bæir á borð við Kulusuk, New York og Osló. Nema Færeyjar. Færeyjar eru Færeyjar.

Jóhann G. Jóhannsson - Icelandic Airlines
Listen

Dora Carofiglio er offisjal söngkona Italo Disco. Hún er Celine Dion / Mariah Carey / Whitney Houston / Maria Callas / Kiri Te Kanawa / Muazzes Ersoy hins eilífa stuðs.

Hún er lang þekktust undir nafninu Valerie Dore, gaf m.a. út singúlinn 'The Night', sem er stórkostlegur dramaslagari, en hefur einnig sungið í endalausum öðrum megahitturum.

Eitt uppáhalds lagið mitt með henni (undir nafninu Shirley Ross) er cover frá árinu 1984 af mjög frægu tilfinningalagi eftir mjaðmatryllinn Peter Cetera. Það ættu allir að muna eftir þessu lagi, sitjandi með litabók og volgt kakó við gluggann í sumarbústaðnum, horfandi á rigninguna og hlustandi á mömmu og pabba vanga á brakandi stofugólfinu.

Næstum því fullkomið.

Shirley Ross - If You Leave Me Now
Listen / Buy: GEMM / eBay / Amazon.com

Ég fann það loksins loksins. Í fyrndinni heyrði ég lagið hljóma af regnblautri Hverfisgötunni innum stofugluggann minn á 2. hæð, svo á glerbrotshúðuðu plani fyrir utan skemmtistað, en aldrei fékk ég vídjóspóluna sem mér var lofað, vídjóspóluna sem geymdi lagið.

En ég fann það, þökk sé söfnunaráráttu elskulegra útlendinga sem eiga internet.

Þetta lag er tileinkað Katrínu og Ylfu (og Hansss, sem er búinn að heyra það sungið oftar en ég). Ef það væri ekki fyrir þær, þá hefði lagið aldrei endurómað á milli eyrnanna minna síðust fjögur árin.

Eiríkur Hauksson - Mitt á milli Moskvu og Washington (Live)
Listen

p.s. ég þarf hvorki að tala um Eirík Hauksson, legend Íslands, eða lagið sem átti að fara á Eurovision 1986, en tapaði fyrir Gleðibankanum. Þvílík synd!

Giorgio Moroder er hetja. Hann ætti að ganga um með skikkju og glitrandi belti hvert sem hann fer, vera með þemamúsík (samda af Lykla-Pétri), og fá allt ókeypis sem hann vill, þar sem hann vill, þegar hann vill.

Fyrir utan að gera allskonar diskó, italó, kvikmyndatónlist, pródúsa endalausa snilld sem gerðu annað fólk frægt (t.d. Berlin fyrir 'Take My Breath Away' úr Top Gun), þá er hann örugglega mannvinur, góður frændi, og frábær nágranni. Og með þykkan víbrandi hármökk og hnausþykkt yfirvaraskegg sem kitlar hörðustu glæpamenn.

Children of the Mission (Giorgio Moroder) - Tears
Listen / Buy: GEMM / eBay / Amazon.com