Nýtt Cheerios - listasýning, og augljóslega morgunmatur landsmanna! (Halli)

Nýtt Cheerios - listasýning, og augljóslega morgunmatur landsmanna!

Hey, ykkur er öllum boðið á listaverkasýningu mína sem haldin er í öllum helstu stórmörkuðum og nýlenduvöruverslunum landsins. Aðgangur er ókeypis og listaverkaverðið er aðeins 369 krónur, eða eitthvað þannig. Plús það fylgir glaðningur í pakkanum.

Í vor gerði ég nefnilega skemmtilegt verkefni (sem ég var loksins að fá í hendurnar áðan): Ég teiknaði umbúðirnar á nýja Cheeriosið sem er nýkomið í allar almennilegar verslanir á Íslandi.

Halli Civelek - Cheerios

Konseptið er pínu sniðugt: Cheerios er líka hollt fyrir heilann og sniðugt fyrir hjartað (ekki endilega pumpihjartað heldur líka ástar- og fjelagahjartað) og pælingastöðvar búksins.

Ég fékk helling af setningum frá mörgum frægum (Woody Allen, Steini Steinarri, Marie Curie, Megasi, Aristóteles, og Astrid Lindgren o.fl.) og teiknaði portraitmyndir af öllu því fólki, en aðaldæmið varað myndskreyta setningarnar með karakterum og koma pælingunni til skila. Portraitin eru á hliðinni, ásamt smá-bio um viðkomandi teiknaðann, en bakið er útatað í allskonar köllum frá mér.

Halli Civelek - Cheerios

Mjög gaman.

Inní pakkanum er svo skemmtileyndó tilað föndra og vera fínn.

Tilvalið að rjúka úfinn í baðsloppnum útí bíl og drösla familíunni í stórmarkaðinn eða útá bensínstöð tilað kaupa nokkra pakka, og borða, föndra, líma, og verða ólýsanlega gáfaður og skilningsríkur.

Og ef þú átt ekki börn geturu notað tækifærið og búið nokkur til.

Ég er búinn að bíða með að sýna myndirnar sem ég teiknaði afþví að ég vildi hafa pakkann í höndunum, þessar myndir eru bara smá sýnishorn, það er skemmtilegra að bryðja Cheeriosið úr pakkanum sjálfum.

Halli Civelek - Cheerios

Tré í Jordan skóm. Fyrir mig og fleiri.

Ég sendi þessar myndir í keppni sem Adobe heldur á hverju ári, og heitir Adobe Design Achievement Awards. Ég komst í undanúrslit, og það var fínt fídbakk.

Ég er a.m.k. ánægður.

Skrifað 15. ágúst 2007, kl: 07:05 | Hlekkur á þessa færslu

Skilaboð (21)

Jonni:

Þetta er snilld Halli ... væri gaman að fá að sjá þessa pakka en því miður selja þessir fasista Danir ekki Cheerios, það er víst á bannlista og þegar einhver lumar Cheerios til mín yfir hafið stóra þá er pokinn alltaf tekinn úr kassanum áður en því er troðið ofaní tösku :(

Eriggi hægt að panta þetta á Amazon bara? :P

Skrifað 15.08.07 08:36

Einar Örn:

Þetta er glæsilegt.

Nú máttu bara fara að svara póstunum frá mér ;-)

Skrifað 15.08.07 08:38

Sigurjón:

Snilld Halli litli, gaman að sjá þetta komið á prent!

Skrifað 15.08.07 09:33

Kamilla:

HEY VÁ!!! Ég og öll börnin mín munum ekki borða neitt annað: Ótrúlega frábært.

Skrifað 15.08.07 10:00

birta:

þetta lítur sjúklega vel út á cheerios pakkanum og enn betur út í portfolioi!

til hamingju Civelek!

Skrifað 15.08.07 10:19

Bob:

Wáú! Ég í Bónus!

Skrifað 15.08.07 10:32

Bryndís:

Vá.. þetta er mega flott! Til hamingju!

Svo langar mig líka fáránlega mikið í seríjós eftir að hafa lesið þetta..

Skrifað 15.08.07 13:36

Ásdís:

Til hamingju Halli!
Ég ætla að henda seríóspakkanum mínum og kaupa nýjan og borða mikið af því að næstunni.

Skrifað 15.08.07 15:41

Sveinbjörn:

Til hamingju :D

Þetta er ótrúlega flott líka.

Skrifað 15.08.07 17:01

katrín:

en flott
ég ætla að kaupa kókópöffs og seríós og færa svona bara kókópöffsið í seríóskassann...

Skrifað 15.08.07 17:05

Laufey Ósk:

Ótrúlega frábærlegt-æðigengið!

Skrifað 15.08.07 17:14

Dagný:

ótrúlega krúttlegt og kúl, segi eins og Jonni, fasista danir ættu bara að fara að selja íslenska töff seríosið hér í danmörku, (væri allavega fyndið að þýða þórberg og njálu yfir á dönsku...)

Skrifað 15.08.07 19:56

Halli:

Takk allir fyrir fögur orð. Án gríns þá hélt ég að þetta kæmi aldrei á markað, þannig að ég er pínu feginn að sjá þetta.

Skrifað 16.08.07 00:05

katrín:

mér finnst aðgát skal höfð í nærveru sálar og kallinn sem er að horfa í spegil í ofurbúning og sofandi kallarnir sem komast ekki í mark uppáhalds

(ekki samt segja hinum)

Skrifað 16.08.07 11:18

Maggi Mús:

Til lukku Halli....

má ég núna kalla þig General Mills ?

Skrifað 16.08.07 11:52