Ég og Sigurjón vorum loksins að opna New York síðuna okkar. Í miðju msn-blaðri síðasta haust komumst við að því að við vorum báðir með sömu hugmyndina um að vera með New York síðu fyrir venjulegt fólk, sem vill hamborgara, strigaskó, og fínar bækur (og brækur). Umfjöllunin um New York heima á Íslandi er oftast mjög einsleit, og í rauninni virðast fáir hafa einhverja þekkingu um borgina (þó svo þeir hafi komið hingað) fyrir utan það sem kemur fram í uppblásnum bæklingum og auglýsingum frá Icelandair, sem eru þá aðallega um dýr hótel, örfáar high-end-tískuverslanir og rándýra 19 stjörnu veitingastaði.

Sigurjón sagði:

Ég fæ þessa tilfinningu vegna þess að þegar fólk fréttir að ég búi í NY þá spyr það nánast undantekningalaust hvort það sé ekki rosalega dýrt að búa hérna, hvar séu heitustu klúbbarnir og flottustu verslanirnar. New York er svo allt öðruvísi en eitthvað svoleiðis kjaftæði og í rauninni hef ég upplifað borgina svo allt öðruvísi að ég get hreinlega ekki svarað þessum spurningum. Ég er alls ekki að segja að ég sé eitthvað á móti túrisma, high-end tísku eða rándýrum og flottum veitingastöðum. Síður en svo, ég fíla það alveg eins og næsti gaur. Raunveruleikinn er hinsvegar sá að 90% af borginni er akkúrat ekki um tískuverslanir, klúbba og flotta veitingastaði.

Þessvegna ætlum við Sigurjón að skrifa um það sem okkur finnst skemmtilegt, fallegt og gott við New York. Eitthvað sem við mælum með fyrir fólk sem er á leiðinni hingað og vill ná að brjótast aðeins í gegnum Times Square skelina, og sjá að það er ekki svo flókið að gera allskonar hluti. ATHUGIÐ ÞÓ að við erum augljóslega ekki þeir einu sem hafa komið hingað, þannig að þetta er ekki einhver hrokasíða sem á að sýna hvað við erum klárir í New York (þó við séum það). Þessvegna viljum við endilega fá athugasemdir frá fólki sem lumar á einhverjum skemmtilegum stöðum sem vert er að fjalla um.

Slóðin á síðuna er: http://www.icomefromreykjavik.com/egelskanewyork/