Úff púff.
Horfði á Open Water í annað sinn og fannst hún ekki hætishót þægilegri en í fyrsta skiptið. Ef eitthvað var fannst mér biðin eftir því sem ég man að gerðist gera óþægilegu mómentin enn óþægilegri.
Þessi viðburður (að ég sjái myndina í annað sinn) er næstum því stórmerkilegur því ég sá hana í fyrsta sinn þann 19. ágúst FYRIR HEILU ÁRI SÍ–AN!!! Trúiði þessu? Ég trúi því varla. Lol.:D:D:D:D
Fyrir þá sem hafa ekki enn séð myndina þá mæli ég enn og aftur með síðbuxum og engum vökva, engum fiskirétti í mallanum og engu fiskabúri nálægt sjónvarpinu. Og ekki vera í blautbúningi þegar þið komið ykkur fyrir í skraufþurri jarðneskri stofunni.
Fann svo hina stórkostlegu samsteypu Cyber Diver News Network sem er sko búin að kanna hina sönnu sögu á bakvið myndina og gefa hana út á internetinu.
Skilaboð (2)
Hvað segirðu - kemurðu ekki með í 10 daga köfunarleiðangur í karabíska hafinu 15 september? Halli, það eru ALLIR að fara ... ekki víst þó að þeir hinir sömu skili sér aftur heim..
Skrifað 23.08.05 13:22
Heh, NEIBB, ekki sjens.
Eða jú, ég kem með. Ég verð gaurinn í gula kafbátnum sem er fastur með bandi í þyrlu, sem er föst með bandi í flugmóðurskip, sem liggur við akkeri í höfninni.
Ekki að ég sé einhver kveif, ég er bara ekki tilbúinn til að deyja strax. Hvað þá láta hákarla tyggja á mér andlitið.
Skrifað 23.08.05 17:36