Ooooh, ég vildi að þið væruð ÷LL hjá mér núna.

Á leiðinni heim rölti ég í gegnum brjálaða mannþröng í litlu-Ítalíu. Fólk er að fagna hátíð Heilags Gennero eða Lubrikoff eða hvað sem hann hét. Helmingurinn af öllum Ítölunum leigði sér greinilega bás og er að selja hinum helmingnum ásamt öllum túristunum og kínverjunum samlokur með gríðarstórum hrossabjúgum eða einhverju jafn stóru, þykku og ógirnilegu. Í loftinu er hnausþykkur laukfnykur sem nær því miður ekki alla leiðina fyrir utan húsið mitt. En svo er lyktin að dofna út af kólnandi veðri og bla bla bla og blah!

EN!

Ég stoppaði í japanskri búð með fyndnum skiltum ("Grand Openingi" og "Go Downstair") og keypti 2 gaffla, 2 hnífa og 2 skeiðar. Herbergisfélaginn ákvað nefnilega að vera grand á því í gamla daga og keypti sér heilt sett af hnífapörum á heilar 70 krónur. Hnífapörin eru því ljót, beygluð, óþægileg, meiða mann og passa algjörlega við hans árstíð. Með þessum nýju mun ég geta smurt brauð, borðað morgunmat, fengið mér ís án þess að henda skeiðinni efirá og margt, margt fleira. Ó töfrar stáls!

Inní þessari krúttilegu búð sá ég aragrúa af nestisboxum og dáðist að Austurlandabúum fyrir að þora að selja þau með skemmtilegum teikningnum af allskyns dýrum og fígúrum, annað en myndum af blómum eða....vó, varúð, frumlegt: NESTI! eins og hér á vesturlöndum. Það er einsog að kaupa skissubók með mynd af skissum utaná, nú eða ísskáp með mynd af mat á hurðinni.

En jesús kristur, ég hló svooo mikið þegar ég las hvað stóð á nestisboxunum.

Ég kynni: CLICKERY CLICK! frá Lube Sheep.