Staðsetning: 118 W 57. stræti, á milli 6. og 7. Avenue [ sjá kort ]
Sími: (212) 708-7414
- F lestin á 57. stræti

Þessi unaðslega sveitta hamborgarabúlla er mun líklegri fyrirmynd að Hamborgarbúllu Tómasar en alnafninn á 21. stræti. Þessi staður var einusinni leyndó (og er það örugglega enn að einhverju marki), enda er ekki margt sem gefur til kynna að þarna fáist ljúffengir borgarar: frá götunni er gengið inní andyri Parker Meridien hótelsins, og þar til vinstri, hálf-falið á milli veggja, glóir neon-hamborgarljósið og vísar manni veginn.

Matseðillinn er einfaldur: hamborgar, franskar, gos, bjór, og möffins. Staðurinn sjálfur er viðarklæddur og þakinn allskyns plakötum og veggjarispi, og á háannatíma (hádegi og rétt eftir vinnutíma) er oftast röð útúr staðnum, og nær vonlaust að fá sæti. Langbest er því að koma rétt fyrir hádegi, miðdegis, eða nokkuð eftir kvöldmat.

Borgararnir sjálfir eru mjöööög góðir, og gaman að þvælast inní andyri hótelsins með tóman maga og labba svo aftur út ropandi með sveittar kinnar. Hamborgari, franskar og gos kosta um $11.

MoMA safnið er líka rétt hjá, og því tilvalið að sameina há- og lágmenningarferð (borgarastaðurinn sjálfur sameinar reyndar bæði, þannig að þetta verður ævintýri líkast).

Halli | Hlekkur á þessa færslu | Skilaboð (1)

Staðsetning: Williamsburg og Park Slope.
Vefsíða: www.beaconscloset.com

Ef einhver vill taka sér smá pásu frá fínu og flottu búðunum á Manhattan og kíkja á góða búð með notuðum fötum þá er Beacon's Closet rétti staðurinn til að rúlla á.

Beacon's Closet er á tveimur stöðum í Brooklyn. Önnur búðin er rétt hinum megin við East River í Williamsburg þannig að best er að taka L-lestina frá Union Square yfir á Bedford Avenue og labbað þaðan. Ég mæli sterklega með því að kíkja á kort áður en maður leggur af stað þar sem ekki eru miklar líkur á því að maður rambi á búðina eftir að maður er kominn á Bedford Avenue. Hin búðin er síðan í Park Slope, sem er aðeins lengra frá Manhattan, og er best að taka M eða R lestina á Union Street og labba þaðan eins og eina blokk í austur (eins og það séu einhverjar líkur á því að maður viti hvað er austur þegar maður kemur upp úr lestinni).

Sjálfur hef ég farið í búðina í Williamsburg og gerði þar mjög góð kaup. Það er mikið af flottum fötum á lausu og til að mynda keypti ég 4 skyrtur og eina peysu á samtals 5000 íslenskar krónur. Fyrir þá sem hafa áhuga því að losa sig við eitthvað af fötum þá er um að gera að mæta með gömlu larfana og skipta þeim upp í föt sem þú hefur áhuga á eða bara jafnvel frá hreina seðla í veskið.

* * *

Halli: já, Sigurjón er semsagt að mæla með því að þið komið til New York með 30 kg af lörfum tilað skipta í Beacon's Closet. Komaso!

Sigurjón | Hlekkur á þessa færslu | Skilaboð (1)

Beacon Theatre
→ Steely Dan, Taylor Hicks, Earth Wind & Fire

Bowery Ballroom
→ El Perro Del Mar, Jeffrey Lewis, Clap Your Hands Say Yeah, Ulrich Schnauss

Carnegie Hall
→ (klassík og high-class) The Philadelphia Orchestra, San Francisco Symphony, Evgeny Kissin, Australian Chamber Orchestra

Irving Plaza
→ A-Ha, Regina Spektor, DeVotchka!, Ladytron, Cannibal Corpse

Mercury Lounge
→ Danielson Famile, Mice Parade, Electric Soft Parade, Mugison

Nokia Theatre
→ Velvet Revolver, Elvis Costello, Les Claypool

Radio City Music Hall
→ Antony and the Johnsons, Arcade Fire, Harry Connick, Jr., Björk, Damien Rice

Webster Hall
→ Hot Chip, Supergrass, Patti Smith, Kevin Federline, Jarvis Cocker

Það eru auðvitað hundrað aðrir tónleikastaðir útum allt á Manhattan og í Brooklyn, en langflestir þeirra selja miða í gegnum stærri miðasölurnar, einsog t.d. Ticketweb eða Live Nation.

Halli | Hlekkur á þessa færslu | Skilaboð (1)

Hér eru helstu vefsíður sem selja miða á tónleika. Sumar eru betri en aðrar til að finna ákveðna atburði, en oft fást miðar á báðum stöðum. Til að vera viss er betra að leita á þeim flestum.

Ticketmaster
selja á flesta stóra og risastóra atburði, t.d. í Madison Square Garden og aðra stóra staði
→ Madonna, Justin Timberlake, The Strokes, Sigur Rós, Broadway-show, frægir að gera stand-up comedy

Ticketweb
selja stundum á stóra tónleika, en eru frábærir í indie, elektrónískri, fólk og meira "underground" dóti
→ TV on the Radio, Peter Bjorn and John, Joanna Newsom, Album Leaf

Live Nation
meira í poppi og almennu dóti, en oft með hip hop og elektróník
→ Norah Jones, Weird Al Yankovic, The Roots, Van Morrisson

*** Innskot - Sigurjón ***

Oh My Rockness
góð síða sem listar upp hvaða er að gerast á öllum helstu tónleikastöðunum í New York og tengir tónleikana við miðasölurnar sem Halli bendir á
→ Allt frá mainstream til underground sveita

Halli | Hlekkur á þessa færslu | Skilaboð (1)

Staðsetning: útum alla Manhattan [ sjá kort ]
Vefsíða: www.chipotle.com

Þetta er mjög góð mexíkósk keðja sem selur burritos, tacos og salat. Staðirnir eru mjög hreinir og fínir, og af því að þetta er keðja þá er maturinn alltaf nákvæmlega eins, sem fyrir mig þýðir alltaf jafn góður.

Ég fór a.m.k. einu sinni í viku á einn Chipotle stað sem var nokkuð langt frá bæði skólanum og þar sem ég bjó áður, og fannst ég finna fyrir smá fráhvörfum ef það leið of langt á milli. Þegar það opnaði svo staður í næstu götu við skólann minn þá borðaði ég oft í viku, varð algjörlega húkkt í marga, marga mánuði.

Staðurinn er settur upp einsog flestir skyndibitastaðir, þó svo að þessi matur sé langt frá því að vera óhollur. Ekkert djúpsteikt og ekkert majónes, heldur bara tortillur og taco-skeljar, kjöt (kjúklingur, nautakjöt, og svínakjöt), og svo baunir, hrísgrjón, salsa, grænmeti, ostur, sýrður rjómi, og guacamole. Þú ferð bara í röðina og bendir á það sem þú vilt, og færð það svo beint í fangið. Vanalega eru burritoin og allur maturinn mjög vel útilátinn, og oft færðu burrito sem er á stærð við nokkurra mánaða gamalt barn. Guacamóleið er líka mjög gott, og alltaf ferskt.

Verðið fyrir burrito/taco og drykk er í kringum $10, og því miklu bragðbetri og hollari kostur en McDonald's eða Snickers.

Halli | Hlekkur á þessa færslu | Skilaboð (2)

New York Magazine: Neighborhoods
→ Tímaritið New York lýsir helstu hverfum Manhattan, þar sem talað er um fasteignir, helstu veitingastaði, næturlíf, verslanagötur, og einnig eru fjölmargir tenglar á aðrar síður sem fjalla um viðeigandi hverfi.
[ valmyndin er vinstra megin á síðunni, undir 'Neighborhoods' ]

Halli | Hlekkur á þessa færslu

Staðsetning: 241 3rd Ave, á milli 21. og 22. strætis [ sjá kort ]
Sími: (212) 228-1219

Ég er hamborgarafan og hef smakkað þá allnokkra í gegnum tíðina. Maður hefur prófað flesta "þekktu borgarana" heima á Íslandi, hina og þessa á ferðlögum um Evrópu og ágætis magn af þeim hérna í USA, sem verður að teljast heimavöllur hamborgaranna.

Það fyrsta sem maður tekur eftir þegar maður borðar á Burger Joint er að borgararnir eru frekar litlir, svipað stórir og litlu ostborgarnir hjá McDonalds. Það mætti segja að Burger Joint eigi ýmislegt sameiginlegt við Hamborgarabúllu Tómasar. Eigandinn er sjálfur að afgreiða á fullu en hann er "ítalskur-amerískur-robert de niro-persóna" sem talar mjög hátt og með miklum New York hreim. Hann getur orðið ansi æstur þegar mikið er að gera og ég mæli með því að fólk láti það ekki fara í taugarnar á sér. Ég gerði það einu sinni og núna get ég aldrei farið þangað aftur.

En aftur að borgurunum. Þeir sem ég hef étið eru bornir fram með amerískum osti og laukblöndu sem er afar góð. Á borðinu eru síðan sósur sem maður getur úðað á eftir vild. Það er ein stærð af frönskum í boði en 2 tegundir sem maður getur valið um. Venjulegar franskar og svo franskar í ostasósu, svona sósa sem maður er vanur að borða með nachos.

Þetta er frekar ódýr staður. Þeir selja ekki "máltíðir" eins og flestir heldur þarf maður sauma matseðil saman sjálfur. Sem dæmi þá kostuðu 2 ostborgarar, franskar með ostasósu og kók $7, sem gerir um 500 kall. Ég mæli sterklega með þessum stað þó svo ég sé á bannlista þarna um aldur og ævi.

Sigurjón | Hlekkur á þessa færslu | Skilaboð (1)

Halli says:
sko, ég hef oft pælt í því að vera með síðu með allskonar new york infói, en hefur stundum fundist það vera pínu typpaleg pæling.
Halli says:
en málið er að t.d. áður en þú komst út og ímeilaðir mér, eða mæspeisaðir mér, og ég svaraði þér með ýkt löngu svari, þá kannski hélstu "je je, hann er bara æstur" en svo fattaru dáldið seinna að allt verður dáldið overwhelming, og það gleymast allskonar hlutir í öllu veseninu, right?
Halli says:
og hlutir einsog að borða gleymast algjörlega
Sigurjón Guðjónss. says:
algjörlega!
Halli says:
einsog með visakort og bankareikninga og social security og gsm áskrift og internet og allt þetta
Halli says:
þetta reddast ekkert einsog heima
Halli says:
það þarf þvílíkt að pæla í þessu
Halli says:
og hér úti gildir algjörlega að þú þarft að vera heppinn og lenda á starfsmanni sem er virkilega til í að hjálpa þér. Fyrir ALLA aðra ertu bara kúnni númer 209803859085045
Halli says:
hér úti held ég mig alltaf við þá veitingastaði sem ég treysti, finnst nefnilega óþarfi og bara pirrandi að vera að prófa eitthvað útí bláinn og verða svo fyrir vonbrigðum.
Halli says:
ekki að mér finnist ekki gaman að borða einhversstaðar á nýjum stað, en þá vil ég gera það afþví að einhver sem ég þekki mælir með því.
Sigurjón Guðjónss. says:
ég mæli sterklega með því að þú mixir svona síðu eins og þú ert að tala um
Sigurjón Guðjónss. says:
það er boring að vera að lesa einhverjar síður sem eru með MILLJÓN stöðum á
Halli says:
já, akkúrat
Halli says:
og svo er líka erfitt þegar fólk spyr mig "hvað á ég að gera í New York, ég verð í 10 daga"
Sigurjón Guðjónss. says:
ég til dæmis save-a núna staði á google map sem mér finnst góðir
Halli says:
því ég veit að fyrir 99,9% af liðinu sem erað koma hingað í fyrsta skipti mun upplifunin fyrstu dagana verða búðarráp, gláp á risahús og helling af fólki, vera ringlaður, og ráfa svo sveittur og uppgefinn uppá hótel
Halli says:
og gera EKKERT sem er á planinu. Ekkert Empire State, ekkert Central Park, ekkert safn. Bara búðir, mall, pizzasneiðastaðir og svo heim að kúka og sofa.
Halli says:
mig langar bara ekki að skrifa svona síðu þannig að fólk hugsi "ohh, Halli er svo typpalegur eitthvað, þykist vita allt um NY"
Halli says:
æji mér er skítsama
Halli says:
ég skíri síðuna bara Typpalega New York síða Halla

Halli | Hlekkur á þessa færslu | Skilaboð (3)